نصبو شوية زيت في المقفول و نقليو بصلة مفرومة + 2 سنينات ثوم + طريفات اللحم. نفوحوه بالملح، مغرفة ممسوحة فلفل أكحل، مغرفة فلفل أحمر، شوية كركم و قرصة تابل.
نزيدو كعبة طماطم خضرة مقشرة و مرحية (اختياري) + مغرفتين طماطم معجونة.
يتقلى لكل مليح من بعد نرميو ورقتين رند و كعيبات حمص منفخ و نمرقو بالماء السخون لين يتغطى اللحم.
الدويدة نفرغوها في ماعون و ندهنوها بزيت زيتون مليح بين كفوفنا، و نصبوها في كسكاس المقفول من غير ما نرصوها و نحطوها تفور فوق المرقة و هي تغلي مدة نصف ساعة تقريبا من غير ما نغطيوها.
نهبطو الدويدة و نفرغوها في كروانة و إلا طبق الفرن و هي سخونة نذوبو في وسطها شطر مغرفة سمن (اختياري) و نرشوها بالفلفل الاكحل و نخلطو.
كيف يطيب اللحم، نسقيو الدويدة بالمرقة و نخلطو. ما يلزمش نحطو مرقة بزايد خاترها فيسع طيب، نحطولها مرقة ما يكفيها بش تتخلط و ما تقعدش شايحة.
تتجمر في الكروانة مغطية على نار خفيفة و الا في الفرن لين تنشف المرقة.
نقدموها و نرصفو فوقها قطع اللحم + عظم مسموط و قرينات فلفل مقلية. تاكلو بالصحة و الهنا
Ingrédients: • 250 ml de lait • un jaune d'oeuf • 1 à 2 cuillère à soupe de sucre • 1 cuillère à soupe de maïzena bien généreuse ...
